اكتوبر 1973
هو مش احنا برضه اللى حاربنا .... مقصدش انا وانت وانتى يعنى لا .. قصدى مصريين يعنى
امال ايه اللى حصل دلوقتى
مش بنحارب ليه ؟
وايه مفهوم الحرب عندنا ؟
واحد هناك اهو بيقول لو فى ايدى سلاح هما بس يفتحوا الجبهه وانا هروح اموت نفسى هناك
وواحد بيقول حرب ايه الكلام الفارغ ده هو احنا اد حرب وهنحارب ليه مااحنا عايشين
حد قفل وخرج خالص بيقول مليش دعوه ياعم
لالا بجد ازاى قدرنا نحارب اسرائيل ونحرر سيناء ومش قادرين نحارب الفقر والجهل والمرض
ياجماعه الحرب مش سلاح وجبهه وعدو مباشر وبس
دى الحرب دلوقتى غير مباشره
المتعلم يحارب بعمله كام واحد ملقاش حد يعلمه زى ماانت اتعلمت
والغنى يحارب بفلوسه الفقر كام واحد يااخ مش لاقيين شغل
كام واحد مات فى طابور العيش وانت بترمى العيش فى الزباله ماتجيب على قدك يااخى
كام واحد مريض مش لاقى علاج
كام واحد فاسد
كام واحد معندوش وعى
فين الشباب المتعلم اللى عنده وعى فين الناس اللى عندها فلوس وبايدها مشاريع فين وفين وفين وفين
وتقولى هى فين الحرب دى فى كل مكان حاوليك
السبت، 19 أبريل 2008
الاشتراك في:
التعليقات (Atom)
